حكايه منة

نفسك 
اردف سامح بأسي حتى لو سامحت نفسي مش هقدر أبص في عنيكي تاني 
بدأت تتساقط دموعها وأتبعت أنا مش فاهماك يعني انت عايز ايه دلوقتي
سقطت دموعه وهو يقول مش هظلمك معايا أكتر من كدة 
قالت منة وهي تتجشأ من كثرة البكاء يعني ايهمش فاهمة بردو
مسح دمعته
محاولا إخفاءهايعني هطلقك عشان تعيشي حياتك مع حد تاني يستاهلك و يقدرك 
اڼصدمت منة و وجها يملأه الدموع تطلقني! وانت فاكر انك كدة مش بتظلمني تاني
صمت سامح و نظر إليها بوجوم 
أتبعت منة بدموعها ماتطلقنيش يا سامح أنا عايزة أفضل معاك 
نظر إليها بشوق يتفحص ملامحها وكأنه يحفرها في قلبه و ذاكرتهسامحيني يا منة وآسف علي كل حاجة 
انتي طالق!!
قالها بحسم وتركها وخرج من غرفته توقفت منة عن الكلام الحركة والبكاء وكأن توقف زمانها عند هذه اللحظة ثم خرت على فراشه وصړخت صړخة مكتومة يتخللها البكاء وهي تضع كفيها على وجهها غير مصدقة لما حدث وظلت على وضعها لفترة ليست بقليلة 
وفي الخارج هرب سامح من والده إلى غرفة أخرى حتى يستطيع أن يعبر عن ما بداخله وحيدا فظل يبكي و يبكي و يطيح كل ما يقابله 
فالكثير منا لا يجيد التعبير عن حزنه إلا وهو منفردا بنفسه 
فقد أحبها و ما فعله كان فوق إرادته من وجهة نظره لا يريد لها ظلم مرة ثانية وأن بطلاقه لها يمنحها حريتها و لعل الله يعوضها بمن يعاملها كالأميرات فهي لا تستحق إلا ذلك 
أما هي فشعرت بأنها ليس لها مكان في هذا المنزل و بدأت بجمع أغراضها تاركة في كل ركن عبرة من عبراتها و غصة من قلبها جمعت ما لها في تلك الغرفة غرفة من كان وسيظل حبيبها وقعت عيناها على حلته التي كان يرتديها بالأمس خطت نحوها وأمسكت بها ضمتها إليها وسقطت دموعها عليها وظلت تستنشق عبيره منها لعلها آخر مره تشعر بنطفه منه وأخيرا تحسست وسادته و ضمتها ثم خرجت لغرفتها التي كانت بمثابة الأمان لها في لحظاتها القاسېة و الفرحة في لحظاتها الهانئة لملمت أغراضها لم تبقي شيئا خرجت لتجد توفيق في مكانه لا يدري ما قد تم بينهم بحثت عنه بنظرها يمينا و يسارا لم تجده استوقف توفيق هيئتها دموعها احمرار وجهها بأسها و حقيبتها فتوالت أسئلته عليها
في ايه يا منة ايه اللي حصل مالك فيه ايه
اڼهارت وهي تقول خلاص يا أونكل سامح طلقني 
صدم توفيق مما سمع ايه ليه يا بنتي حصل ايه 
خاېف يظلمني تانيمايعرفش انه كده بيظلمني تاني و تالت و لآخر العمر 
قالتها بصوت عال و بنفاذ صبر فأتبعت أنا آسفة ياأونكل اني عليت صوتيأشوف وشك بخير و لو عزت أي حاجة كلمني أنا بنتك 
وإبتسمت بوجه حزين يملؤه الدموعو هبقى أجيلك أقعد معاك وكمان أنضف المكتبة وآخد منها كتاب 
طيب استني يا بنتي أما أناديه ونتفاهم 
لا سيبه براحته عشان خاطري 
قبلت رأسهأشوف وشك بخيربعد اذنك 
خرجت بخطوات واهنة وهي تنظر لكل ركن في المنزل وكل قطعة أثاث فيه وأوصدت الباب خلفهانزلت على الدرج حتى استوقفها فكرها هروح أقولهم ايه و هالة اللي فرحها كمان كام يوم هكسر فرحتها يارب دبرني أعمل ايه
إستقلت إحدى سيارات الأجرة و إتجهت إلى منزلها حتى وصلتصعدت و وقفت على الدرج وأخرجت مرآة من حقيبتها ومسحت وجهها لتخفي آثار الدموع و تلطف بإحمرارهقليلا ثم صعدت لتفتح لها هالة مقتضبة جبينهاايه اللي جابك تانيثم نظرت لحقيبتهاوايه الشنطة دي
قالت منة بمرح وإبتسامة مصطنعةأمشي يعني مش عايزاني
لا يا بت مقصدش أصلك ملحقتيش 
لا ماهو سامح قاللي روحي اقعدي مع هالة كام يوم لحد يوم خطوبتها أكيد هي محتجالك 
يا سلام ايه القلب الطيب ده
أيوة طبعا و طيب أوي كمان 
ماشي يا عم سامح الله يسهله بقا و يباركله كمان ياستي عشان خاطرك 
إبتسمت إبتسامة باهتة 
فمن الممېت أن تخفي ۏجعا يعصر القلب فقط بإبتسامة ففي القلب غصة و في العين دمعة و فوق الشفاه إبتسامة كاذبة 
هي ماما نامت
اه بس أنا حاسة انك مش طبيعية فيكي حاجة 
لا خالصأقولك علي خبر يطيرك من الفرحة
ياريت خير
بابا الله يرحمه طلع برئ و ماخدش فلوس أونكل توفيق 
كانت ردة فعل هالة ليست بأقل منها فظلت تهلل و تكبر و تقبل منة 
وهناك حاول توفيق أن يتحدث مع سامح ولكن دون جدوى 
عم السكوت و جاء الليل الذي بدوره يجبر
القلوب و الخواطر أن تحكي عن ما فيها فنام من نام و سهر من سهر كل يبكي من أجل فقدان أحدهم 
وفي الصباح 
استيقظ سامح واغتسل و اعتزم الذهاب إلى عمله مضطرا وهناك 
اردف مصطفيايه يا سامح بتصل بيك مابتردش و اتحرجت أجيلك البيت بصراحة عشان المدام يعني وكدة 
وكأن مصطفي يحدث نفسه فلم يعره سامح انتباها 
الوون ايه يا معلم رحت لحد فين 
رد سامح بضجر بالله عليك يا مصطفي سيبني في حالي 
في ايه يا ابني مالكموضوع الرجل النصاب بتاع الصفقة ده مضايقك يعني ولا إ 
انفعل سامح و ارتفع صوته وقاطعه پغضب يامصطفي بقولك اطلع من دماغي يا أخي بقا 
نظرله مصطفي بوجوم و مضى شعر سامح بأنه انفعل على صديقه فذهب خلفه 
حقك عليا يلا اتعصبت عليك معلش 
ياعم مش زعلان خلاص بس عايز اطمن عليك لو عالفلوس في داهية المهم ان المدام بقت أمان دلوقتي 
كان رد سامح مفاجئ ومصدم لمصطفي المدام اتطلقت !!
صړخ مصطفي في وجهه ايه انت بتقول ايهيخربيتك 
اللي سمعته 
طب ليه كدة
مقدرتش يا مصطفي كل ما هبص في وشها هفتكر 
أنا مش عارف أقولك ايه و ربنا ما عارف 
ماتقولش يا مصطفي خلاص اللي حصل حصل 
قال جملته الأخيرة بيأس شديد شعر به صديقه فمن هيئته يتضح عليه معالم الحزن والأسي من وجوم إلى لحية طويلة إلى أعصاب تالفة 
يتبع 
الفصل الحادي عشر
أشرقت الشمس و توسطت كبد السماءوانتهى الجميع من محاضراته واجتمعوا في مكانهم المفضل ليتبادلوا أطراف الحوار 
فأردفت
هالةمش ملاحظين ان الجو ده عايز بحر 
اتبعت نهلةاه والله يا بت يا هالةانتي بتقري أفكاريھموت وأروح البحر 
واتبع يحيىطيب ماتيجي نظبط يومين كدة في اسكندرية ولا مرسى مطروح 
تمتمت هالةأنا بعشق اسكندرية 
اتبعت نهلةلا أنا عايزة مطروحبحب شاطئ ليلى مراد أويهيييح بقا 
نظر يحيى الى هالة بهيام وأنا مع خطيبتي حبيبتي 
اتبعت نهلة بحزن طفولي يا سلام بقا خلاص نشوف منة 
كانت منة معهم بجسدها فقط ولكنها شاردة بذهنها لم تسمتع إلى حوارهم وفاقت من شرودها على هتاف هالةايه يا بنتي بنقولك اسكندرية ولا مطروح
اردفت منة بعدم تركيز نعم اؤمريني!
فضحك الجميع 
اردف يحيى الخناقة متوقفة على ردك تحبي نروح اسكنرية ولا مطروح
لا مع نفسكواأنا مش هروح في حته 
اردفت نهلة بإلحاحليه يا منة هاتي سامح و نروح انتوا ماعملتوش شهر عسل و فرصة نكون مع بعض 
وبذكر اسمه شحب وجهها و ارتبكت واعتدلت في عجالة لأ لأ انسوني أنا ماينفعش أروح 
اتبعت هالةطيب قومتي ليه راحة فين
أنا هروح 
اردفت هالةمع نفسك كدة
معلش يا هالة مصدعة ومش قادرة اقعد هسبقك أنا يلا يا جماعة نتقابل بكرة ان شاء الله 
مضت و تركتهم في حالة من الذهول على حالتها 
وكزت نهلة هالة في ذراعها واتبعت البت دي مالها
تمتمت هالة بشرود معرفش بجد مش مريحاني 
اردف يحيي بتهكم ياساتر عليكوا افصلوا شوية عادي يعني تلاقيها زهقانة من الحر 
نظرت هالة و نهلة إلى بعضهن وافتتحت وصلة ضحك لا تنتهي 
اردفت هالة بضحك عاملين زي ريا وسکينة 
واتبعت نهلة ويحيى يبقى عبدالعال 
ضحك يحيي وياترى مين هيبقى حسبووو 
وساد جو المرح في جلستهم 
وصلت منة منزل والدتها ودخلت لتجدها تحضر الطعام
فإستئذنت منها أنها ستدخل غرفتها لتخلد الى النوم ولكن استوقفتها والدتها 
أمال فين أختك
في الجامعةأصلي تعبت من الحر و صدعت وسبقتها 
منةانتي فيكي حاجة مش مظبوطة
إرتبكت منة ولم تسلم من مراقبة الآخرين لهاإزاي يعني يا ماما مانا كويسة أهو
الكلام ده تقوليه لأختك لصحابك انما أنا أمك اللي أحس بيكي أكتر من نفسك 
زاغت نظراتها محاولة إخفاء دموعها الڤاضحة لها دائما 
طيبزعلانة انتي وسامح
وأخيرا انهمرت دموعها عشان خاطري يا ماما مش حابة أتكلم دلوقتيعايزة أنام 
أخذتها والدتها بين أحضانها واتبعت وتسبيني قلقانة عليكي يا بنتيمالك يا حبيبتي بټعيطي ليهده أنا أمك يا منة فضفضي عن قلبك يا بنتي واحكيلي 
انسحبت من حضڼ والدتها طيب بصي هقولك على كل حاجة أوعدك والله بس مش دلوقتيماشي
امال امتي
بعد خطوبة هالة وعشان خاطري ماتضغطيش عليا تاني وأنا هاجي أقولك من نفسي 
ردت والدتها بحزن كدة يا منة ماشي يا بنتي اللي يريحك 
قبلتها منة واتبعت اطمني يا حبيبتي أنا تمام أهو ومفيش حاجة يلا بقا تصبحي علي خير 
يارب يا بنتي تبقي كويسةوانتي من أهل الخير 
دخلت إلى غرفتها و أوصدت الباب لتفرج عن همها و حملها الثقيل فاڼهارت على الفراش من البكاء حتى راحت في سباتها بملابسها 
وفي مكتبه بعد يوم شاق و مرهق في العمل 
اردف مصطفيلا خلاص بجد مش قادر 
استند سامح بظهره على مقعده مغمضا عينيهولا أنا فصلت خالص و جعت جدا 
اتبع مصطفي بشغفبقولك ايه أمي عاملة النهاردة صينية مكرونة بالبشاميل تستاهل بوءكقوم يلا معايا نتغدي سوادي هتفرح بيك جدا 
وذكرته صينية المكرونة بمنة فشرد مبتسما فأردف مصطفي مازحا 
ايه ده هي أمي وحشاك أوي كدة
لا بصراحةمنة هي اللي وحشاني أوي 
اممم ولما انت وقعت فيها كدة طلقتها ليه
ڠصب عني واللهبس أنا ندمان بجد الشيطان ده يا أخي أما بيصدق يلاقيك بتطق شرار يفضل بقا ينخر في نفوخك لحد ما تنفذ اللي هو عايزه 
يا سلام على تشبيهاتك يا سامح طبعا يابني بس برده الشيطان ضعيف إن كيد الشيطان كان ضعيفا وماكنش لازم تستسلمله بسهولة كدة من الآخر انت أصلا متسرع و دايما بتفرض النية السيئة لحد ما تبانلك الحقيقة 
فعلا أنا عارف اني اتسرعت بس والله بجد ماكنتش قادر أبص في وشها أنا كنت بعاملها بقرف و ندالة و قلة ذوق و كل ما تتخيله ازاي فجأة كده أنسى 
انت غريب جدا اذا كان هي اللي حصل فيها كدة قالتلك أنا مسامحاك و نسيت كل حاجة عشان بتحبك يا سامح 
وصمت قليلا ثم ضحك واتبع تصدق أول مرة أركز في اسمك!!
رفع سامح حاجبه بإستغراب وماله اسمي
سامح اسمك سامح يعني انت مش عارف تسامح يا سامح فاهم حاجة يا ساااامح 
تصدق وأنا برده أول مرة أركز في اسميوشرد سامح وهو يقول بحزن بس تعرف يا مصطفي منة دي بنت غير كل البنات تركيبة كدة من الملايكة رقة طيبةتربية كسوف كدة ماشفتوش في بنات كتير 
لا إله إلا أنت سبحانك اني كنت من الظالمين قر واعترف انك حبيتها انهار أبوس ايدك انهار 
ابتسم سامح في صمت 
طيب هنعد نسرح وكدة لا مش طالبة قوم يلا زمان المكرونة خلصت 
وانتقلا إلى منزل مصطفي 
وصلت هالة إلى منزلها ودخلت على والدتها في المطبخ 
السلام عليكم يا