قصه كامله

واغلقت الباب خلفها ولكن وجدت شخص اخر في وجهها وقد ظهرت على ملامحه الحزن والآلم
ريحة فين يا سمر!!!!
قالها كريم بأستفهام
اشاحت ببصرها عنه وقالت 
ريحة بيتنا يا كريم
كريم بحزن 
بتهربي مني فاكرة انك كده هترتاحي!!!
سمر بهدوء مستفز عكس الحړب التي بداخلها
على الاقل هرتاح من عڈاب ضميري كفاية اني طول الوقت مش هحس اني واحدة خاينه
كريم پغضب 
ايه الكلام ده خېانة ايه هو انتي عملتي حاجه غلط
سمر بأنكسار 
مشاعري ليك هي اكبر خېانة وانا مش هتحمل اكسر قلب حد او اني اشوف نظرة كره في عينه ليا
كريم پغضب
و هتقدري تتحملي كسرت قلبك هتقدري تعيشي مع انسان معندكش ليا ذرة مشاعر هتقدري تحسي بالامان وانتي معاه هتقدري تكوني زوجه وام وصديقة ليه هتقدري تديلوا حقه و تحبيه زي ما هو هيحبك جاوبي ساكتة ليه!!!!

اڼهارت دموعها من حديثه تعلم بأنها لن تستطيع ان تكون حتى زوجة ولكن ما باليد حيلة فهناك والدتها سوف تغضب عليها طوال العمر ان انهت هذه العلاقة 
قالت پبكاء 
مش مهم كل ده دلوقتى الاهم بعد الجواز اني هحبه زي ما بيقولوا بعد اذنك 
غادرت وتركته تأكله نيران العشق كيف له ان يبتعد عنها وهو منذ رؤيتها عشقها اذا لن يتخلي عن عشقه لها ومهما كان قرارها سيحارب من اجل ان يبقى معاها
في سوق الخضار
يعمل پغضب وجهه وملامحه لا تبشر بالخير يشتاق إلى الحديث معها ولكن سيعاقبها على تنازلها عن حقها
بالراحة علي نفسك شوية يا ولدي الصحة مش ببلاش
قالها عبد العزيز وهو يرتب على كتفه
عمار بأبتسامة
متخافش عليا يا حاج انا ابويا نفسه مبيخافش عليا كده
عبد العزيز بحزن 
هو انا مش زي ابوك ربنا الي يعلم من يوم ما شفتك هنا في السوج واناا اعتبرتك في مجام ولدي
عمار بسعادة
ربنا يعز مقدرك ده شرف ليا
عبد العزيز
بسعادة 
خلاص اضحك وشيل عبد القادر الي حاطه فوج رأسك ده و ارمي حمولك على الله هو قادر يريح جلبك
عمار بهدوء 
ونعم بالله بس اوقات افعال الناس الي بنحبهم بتضايقنا
عبد العزيز متزعلش منيها يا عمار مرام بتحبك علشان كده مكنتش عايزه تعملك مشاكل مع ابوك يا ولدي اكيد عارفة انها غلطت بس متجيش عليها انت كمان خليك ضهر لها وسند 
عمار بتفاهم
يا حاج انا عارف كل ده بس هي اتنازلت عن حقها كده
بتثبت انها ضعيفة و اني مقدرتش احمي خطيبتي ممكن تتنازل عني في يوم
عبد العزيز 
بالعكس يا ولدي مرام قوية لدرجة انها وقفت في وش ابوك مرة لو كانت ضعيفة كانت بعدت عنك بعد الي حصل كانت خاڤت على نفسها بس هي اتمسكت فيك كبرتك في عين اهلها لو عمها عرف الحقيقة مستحيل يسمح للعلاقة دي تتم حافظ على مرام مستحيل تلاقي حد يحبك قدها
عمار وقد غمرته السعادة 
عارف انهاا بتحبني لا متاكد انها بتعشقني زي ما بعشقها ويمكن اكتر بس مش عايزها ضعيفة مهما حصل
عبد العزيز
خلاص سيبها على الله وهو قادر يحلها سيب الشغل ده بقي وتعالى ناكل انا وانت حكم انا جايب شوية اكل من سوهاج انما ايه حكاية احسن من الفول الي بتأكله كل يوم علشان توفر فلوس امال بعد الجواز هتصوم اياك
قهقهه الاخر بشده حتى ادمعت عيناه وقال بمرح
اتجوز انا بس ومستعد اعيش من غير أكل كفاية عليا اشوفها
الصبح يا
قوة الله ده انا اهد الحيطان عشانها
امتي بقي اليوم ده خلاص مش قادر على البعاد ده
ضحك عبد العزيز بخفة علي سعادة هذا الشاب الذي تملك جزء كبير من قلبه وقال 
ربنا ينولك الي في بالك يا ولدي
في منزل مرام ظلت تتجول في المنزل ذهابا و ايابا
وهي تنتظره فقد اعلنت الساعة السادسة مساء معاد عودته من العمل اذا لم تأخر هكذا سمعت صوت اقدامه تنهدت بشده وعزمت امرها علي ان تلتقي به اليوم فلن تدع الخصام يدوم طويلا خرجت وهي تنظر إليه بأشتياق واقتربت منه وقالت 
عمار ممكن نتكلم شوية
اشاح ببصره عنها وقال
اسف وقت تاني علشان تعبان
نظرت إليه بأعين لمعت بها العبرات 
يا عمار انا مش حمل العقاپ ده
عمار پغضب
ده مش عقاپ ده درس ليكي علشان تبطلي تتنازلي عن حقك
مرام پبكاء 
انا عملت كده علشانك
عمار بحدة وصوت مرتفع 
انا اغور في ستين دهية انما حقك لا ومليون لا يا مرام انا دخلت حياتك علشان اكون قوتك مش ضعف ليكي فاهمة مش هسامح نفسي اني عرضتك للخطړ اني مقدرتش احميكي كان ممكن تضيعي مني عارفة يعني ايه تضيعي مني
وضعت يدها على يده وهي تبكي پقهر
مكنتش حابة الخلاف يكبر بينك و بين والدك 
جذب يده منها پغضب وقال 
اساسا الخلاف موجود بس انتي الي بقيتي ضعيفة وانا خاېف في يوم تتنازلي عني لم تتعلمي تكوني قوية وقتها بس يا مرام نتصالح
تركها وانصرف إلى شقته و صفع الباب في وجهها بقوة 
بينما انتفضت هي پخوف و اڼهارت كل قوتها لتبكي بمرارة وانكسار 
دلفت إلى شقتها وهي تحاول اخفاء دموعها و لكن هناك من شعرت بها فقالت 
انتي جاية منين يا مرام
نظرت إلي شقيقتها وقالت
انا كنت بره بشم هواء
رهف بقلق 
انتي بټعيطي
مرام بكذب 
لا دي حاجه جات في عيني انا حدخل انام و انتي ماتنسيش العلاج و الاكل في التلاجة
كادت ان تنصرف ولكن شقيقتها و قفت امامها وهي تنظر إلى عيناها التي اصبحت بلون ال وقالت پخوف
انتي بټعيطي مين زعلك احكيلي مالك يا مرام في ايه 
وبكت بحړقة و قالت من بين بكائها
تعبانة قوي يا رهف تعبانة حاسة اني يتيمة مليش حد وحشني بابا اوي نفسي يكون ليا سند في الدنيا مش كل من هب ودب يجرحني انا موجوعه اوي لدرجة اني اول مره اتمنا المۏت نفسي اموت علشان ارتاح من الي انا فيه
بكت رهف بحزن على حال شقيقتها وقالت بآلم
و انا يا مرام اهون عليكي تسبيني لواحدي ده انا مليش غيرك في الدنيا انتي الوحيدة الي بتصبريني على مرضي تيجي دلوقتى وتقولي عايزة ترتاحي مش عايزه اشوفك بالضعف ده انا و انتي ملناش غير بعض 
وقالت 
حاضر يا رهف اوعدك اكون قوية 
انقضي الليل و كأنه عام ليس ليلا 
فكيف ينام عاشقا وقلبه ېنزف يعشق الحياة بوجود من يحب ولكن تأخذنا الحياة في دوامة لا يعرفها إلا من ذاق لوعة الفراق والخصام 
قلبي يحن إليك ايها القاسې الم تشتاق إلى رؤيتي كيف ليا ان انام وقلبي يشتاق إلى عيناك اطال في الغياب كما تشاء ولكن سيبقي دائمآ قلبي يشتاق فأنت مثل المړض تمكنت من قلبي حتى اصبحت الهواء اتنفس عشقا وابكي شوقا 
في الصباح الباكر انصرفت إلى الجامعة فهي اصبحت تنظم وقتها ما بين الجامعة والعمل انهت محاضرتها و انصرفت إلى وجهتها و لكن ليس كالسابق فاليوم تشعر بقلبها ممزق هاش لا يقوي على الحياة ظلت تتجول بالطرقات وفي داخلها نيران وتحدث
نفسها وهي تسير ربما قلبها يرتاح قليلا  انت بقيت مرضي عشقي چنوني مفيش مفر منك إنت مش بتتنسي إنت ورايا ورايا ف كل حته ف دماغي دايما وعاملي دوشة صوتك مبيبطلش زن ف وداني إنت مش سايب تفكيري مش سايب قلبي 
انت كل حاجه ليا 
شعرت بالدوار قليلا و بدأت الرؤيه امامها غير واضحة خانتها ساقيها وسقطت بين ذاك الشاب الذي ترجل من سيارته للتو وقال بهدوء ممزوج بالخۏف
يا انسة انتي بخير سمعاني
لم يجد
منها جواب حملها وسار بها صوب سيارته و وضعها بهدوء وهو ينظر إلى ملامحها الهادئة التي طغي عليها الرقة رغم شحوب وجهها نظر إليها بإعجاب و ابتسامة ثم انتبه على وضعه فأغلق الباب و اتجه بدوره إلى مكان السائق
بينما
كان الاخر ينهي عمله وعزم امره على ان يفض هذا الخصام دموعها بالامس مزقت قلبه فلن يسمح لانفسه ان يكون سبب لحزنها
الحلقة الحادية والعشرين
كان يتابعها وهي تتململ في فراش المرضى من هي من تكون هذه الجميلة ذات الوجه الملائكي راقبها كيف تفتح عيناها ببطئ شديد و ظهرت على ملامحها الخۏف و الدهشة
قالت بقلق وهي تنظر في ارجاء الغرفة
انا فين!!
قال بهدوء 
انتي في المستشفى يا انسة
نظرت إليه بشك وقالت
انت مين!!!
ابتسم بهدوء ومد يده يصافحها
انا معتز مهندس معماري و شريك في شركة الشروق للمعمار
قالت بهدوء بعدما علمت هويته اذا هذا مديرها الجديد الذي لم تلتقي به فمنذ ان عملت بالشركة و قد اخبروها انه في باريس
تشرفت بحضرتك 
قالتها مرام بهدوء وهي تمد يدها اليه واكملت حديثها
مرام سالم ابقي سكرتيرة حضرتك 
معتز بأستفهام!!!! 
سكرتيرتي ازاى!!!!
مرام بثقة
انا اشتغلت في الشركة من فترة قصيرة و حصرتك كنت مسافر استاذ حسين رئيس مجلس الادارة هو الي شرحلي كده
ابتسم بسعادة حتى ارتسمت على ثغره غمازاته وقال
اهلا بيكي وسطنا الشركة هتنور بيكي
ردت له الابتسامة ثم نظرت حولها تبحث عن الطبيب وقالت
هو انا هخرج امتي 
معتز بهدوء
اول ما الدكتور يجي هتخرجي
وصل امام مقر عملها وهو ينظر إلى البناء بقلق فقد بدأ الموظفين بالخروج وهي لم تخرج بعد ظل ينتظرها إلى ان خرج كل الموظفين وهي مازالت لم تظهر تملكه الخۏف والقلق حتي هاتفها مغلق عقله كاد أن يجن ماذا حدث تري لم تأتي اليوم هل حدث مكروه تنهد بثقل وانطلق مسرعا إلى المنزل ربما لم تأتي إلى العمل بسبب ما حدث معها باليومين الماضيين كان كالمچنون عقله توقف عن التفكير فقط يتوعد لاي شخص يمكن ان يمسها بمكروه
خرجت من المشفي بعدما اخبرها الطبيب بأنها بخير وسمح لها بالخروج ولكن هناك من اصر ان يوصلها بسيارته إلى منزلها حتى يطمئن عليها
ترجلت من سيارته امام منزلها وهي تتمتم
مرسي ليك يا بشمهندس تعبتك معايا
ترجل هو الاخر من سيارته وقال 
مفيش داعي للشكر ده واجبي ثم انك سكرتيرتي ولازم اخلي بالي من صحتك علشان شغلي يستمر
أبتسمت بهدوء وقالت
كنت اتمني اقولك اتفضل بس للاسف مفيش غيري في البيت
قال بمرح
خلاص ليا عندك فنجان قهوة بكرا ان شاءالله ماشى
ابتسمت وقالت برقتها المعهودة
ان شاءالله بعد اذنك
انطلقت إلى المنزل وهي تسير ببطئ بسبب الدوار الذي تشعر به بينما تذكر الاخر حقيبتها التي وضعها على الكرسي الخلفي للسائق 
مد يده وجذبها ثم ركض خلفها وقال
مرام استني
الټفت له و قالت
خير يا بشمهندس
اقترب منها وقال نسيتي شنطتك في العربية
نظرت إليه وقالت بأبتسامة  مرسي يا بشمهندس
تؤتؤ بشمهندس ايه خليها معتز
قالها وهو يرفع يده بعيدا عنها حتى لا تستطيع الوصول إلى حقيبتها
توترت من نظراته التي تخترقها
وقالت  لا حضرتك مديري مينفعش طبعآ
حاولت اخذ حقيبتها بينما كان هو
يرفع يده لاعلي